धनगढी–डडेलधुरा र बैतडीका थप २५ जनामा आज कोरोना सङ्क्रमण पुष्टि भएको छ । डडेलधुरा प्रयोगशालामा आज ३६ नमुना परीक्षण गरिएकोमा २५ जनामा सङ्क्रमण पुष्टि भएको अस्पतालका प्रयोगशाला इन्चार्ज इश्वरी प्रसाद भूषालले जानकारी दिए । उनका अनुसार सङ्क्रमित मध्ये १७ जना डडेलधुराको परशुराम नगर पालिकाका र २ जना नवदुर्गा गाउँपालिकाका छन् । त्यस्तै बैतडीको पाटन नगर पालिकाका ६ जनामा पनि कोरोना सङ्क्रमण पुष्टि भएको उनले जानकारी दिए ।
