धनगढी–कोरोना भाइरस रोकथाम तथा नियन्त्रणका लागी कैलाली प्रशासनले जिल्लाभित्र मेला, महोत्सव, खेलकुद प्रतियोगिता तथा जमघट गर्न प्रतिबन्ध लगाएको छ । प्रमुख जिल्ला अधिकारी यज्ञराज बोहराले आज आदेश जारी गर्दै कुनै पनि मठ मन्दिर, गुम्बा, चर्च, मस्जिद, गुरुद्वारालगायतका धार्मिक र सांस्कृतिक महत्त्वको स्थानमा हुने पूजापाठ बाहेकका मानिस जम्मा हुने गरी पूजा अर्चना, उत्सव, भजन कीर्तन, बलीलगायतका कुनै पनि कार्य गर्न नपाइने बताएका छन् ।
राजनीतिक दल, सङ्घ संस्था, क्लब, सञ्जाल, समूहहरूले भेला जम्मा भई शुभकामना आदानप्रदान गर्ने लगायतका कुनै पनि कार्यक्रम गर्न नपाउने पनि प्रशासनको आदेशमा उल्लेख गरिएको छ ।
यस्तै तोकिएका मापदण्ड पूरा गरी जिल्लाभित्र लामो, मध्यम र छोटो दूरीका यातायात सञ्चालन गर्न पाइने भएको छ। तर सबै सार्वजनिक यातायातले २०७६ चैत ११ गतेभन्दा पहिले कायम गरिएको नियमित भाडा दर भन्दा कुनै किसिमको थप भाडा लिन पाइने छैन । आदेश उल्लङ्घन गरे गरे कारबाही गर्ने प्रशासनले चेतावनी दिएको छ ।
आदेशको पूर्ण पाठ हेर्नुहोस्
