धनगढी–कैलालीको घोडाघोडीमा नदीमा डुबेर २ बालिकाको मृत्यु भएको छ । घोडाघोडी नगरपालिका – ५ सरैयाकी ११ वर्षीया अस्मिता ढुङ्गेल र ९ वर्षीया अर्चना विष्टको कान्द्रा नदीमा डुबेर मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक प्रतीक विष्टले बताए ।
स्थानीयको सहयोगमा नदीमा खोजी गर्दा दुवै बालिकालाई मृत अवस्थामा फेला पारेको प्रहरी नायब उपरीक्षक विष्टले बताए । उनीहरू गाईबस्तु चराउन गएका बेला नदीमा नुहाउने क्रममा डुबेर बेपत्ता भएको स्थानीयले बताए छन् ।
