काठमाडौँ–मुलुकभर पछिल्लो २४ घण्टामा १९ सय ४६ कोरोना भाइरस संक्रमित थपिएका छन् । विभिन्न प्रयोगशालामा गरिएको परीक्षणमा १९ सय ४६ जनामा कोरोना संक्रमण पुष्टि भएको शनिबार स्वास्थ्य तथा जनसंख्या मन्त्रालयले जानकारी दिएको हो । यो सँगै नेपालमा कोरोना संक्रमितको संख्या २ लाख ८ हजार २९९ पुगेको छ । यस्तै २४ घण्टामा २५ सय ३ जना संक्रमणमुक्त भएका छन् । मन्त्रालयका अनुसार यो सँगै कोरोना निको हुनेको संख्या १ लाख ७० हजार ६३२ पुगेको छ । हाल देशभर सक्रिय संक्रमितको संख्या ३६ हजार ४५२ पुगेको छ । २४ घण्टामा १३ जनाको मृत्यु भएसँगै कुल मृतकको संख्या १२ सय १५ पुगेको छ । हालसम्म १६ लाख २ हजार ६०३ पीसीआर परीक्षण भएका छन् । क्वारेन्टाइनमा १ हजार ५७ जना रहेको मन्त्रालयले जनाएको छ ।
