धनगढी–कञ्चनपुरको पुर्नवास त्यही क्षेत्र हो, जहाँ तीन वर्ष अघि नेपाली युवा गोविन्द गौतमको भारतीय सुरक्षाकर्मीले गोली प्रहार गरी हत्या गरेका थिए ।
पुर्नवासमै एसएसबीको गोली प्रहारबाट हत्या गरिएका गोविन्द गौतमको सालिक
त्यस क्षेत्रमा भारतीय सीमा सुरक्षा बल (एसएसबी) र स्थानीय नेपाली बिचको विवादले पटक–पटक तनाव हुँदै आएको छ ।
गत बिहीबार (७) गते दशगजा क्षेत्रमै पुनर्वास नगरपालिका–५ का ३५ वर्षीय शिवलाल रानाको छातीमा गोली प्रहार गरी हत्या गरिएको अवस्थामा शव भेटियो ।
तीन दिनदेखि हराइरहेका राना बिहीबार दशगजा नजिकको भारतीय जङ्गलमा बीभत्स गोली प्रहार गरी मारिएको अवस्थामा भेटिए ।
उनको शव आफन्तले नेपाल ल्याउन खोजे पनि भारतीय सुरक्षाकर्मीले आफ्नो भूमिमा घटना घटेको भन्दै ल्याउन दिएन ।
शव लखिमपुर लग्यो र भोलिपल्ट मात्रै पोस्टमार्टम गरेर शव आफन्तलाई दियो । आफन्तले उनको नेपाल ल्याएर दाहसंस्कार पनि गरी सकेका छन् ।
तर घटना बारे भारतीय सुरक्षा निकायले अहिले सम्म परिवार लाई कुनै जानकारी दिएको छैन ।
गोली हानि हत्या गरिएका शिवलाल राना
परिवारका सदस्य तथा गाउँलेले उनको हत्या भएको र त्यसमा भारतीय सीमा सुरक्षा बलको संलग्नता हुन सक्ने आशङ्का गरेका छन् ।
मृतक रानाका भाइ नन्दलाल राना भन्छन्–मेरो भाइ नत तस्कर न सिकारी कसले किन मा¥र्यो जवाफ चाहिन्छ ।
यस विषयमा न्यायका लागी परिवारजनले सरकार लाई आग्रह गरेका छन् ।
सीमा विवाद समाधान नहुँदा यस क्षेत्रमा पटक–पटक समस्या दोहोरिँदै आएको छ । आफ्नै नाममा जग्गा पुर्जा हुँदा पनि स्थानीयले टेक्न पाउँदैनन् कतिपय बेला त एसएसबीले नेपाल तिरै आएर कुटेको सम्मका घटना भएका छन् ।
यिनै कारण स्थानीय सधैजसो त्रासमा हुन्थे भने यो घटनाले झनै भय सिर्जना गरेको पुर्नवास नगर पालिकाका मेयर जीवन थापा बताउँछन् । सरकारले सीमाबिबाद समाधान नगरीदिंदा स्थानीयले सधैँ भारतीयको थ्रेटमा बस्नु परी रहेको उनको भनाइ छ ।
केही दिन अघि हतियार सहित कञ्चनपुर पसेका एसएसबी
भारतीय सुरक्षाकर्मीको दुर्बेहार त नियमित जस्तै भइरहेको पुर्नबासका स्थानीय लक्ष्मी नारायण चौधरी बताउँछन् ।
घरमै आएर पनि अनावश्यक खान तलासी गर्ने सीमामा आउजाउ गर्दा हेप्ने त सामान्य जस्तै भएको उनको भनाइ छ । स्थानीय प्रशासनले पनि यो विषयमा जानकार हुँदा हुँदै पनि खासै वास्ता नगरेको उनीहरूको गुनासो छ ।
अहिले भएको घटनाको तथ्यगत छानबिनसहित त्यहाँ देखिँदै आएको समस्याको दीर्घकालीन समाधानका लागि स्थानीयले सरकारसँग माग गरेका छन् ।
