धनगढी–महेन्द्रनगरमा मृत भेटिएका युवक वेदकोट नगरपालिका–४ को मा रहेको सुनार टोल बस्ने २५ वर्षीय कमल दमाई रहेको पुष्टि भएको छ ।
आज बिहान महेन्द्रनगर बजारस्थित भानु पार्टी प्यालेसको छेउमा फुल घेर बार गर्न बनाइएको बेरामा घाँटीमा तारको पासो बेरिएको अवस्थामा उनको शव भेटिएको हो ।
जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले दमाई ज्यालादारी गर्ने भन्दै गत असोजमा स्याङ्जा जान्छु भन्दै हिँडेका र बिहीबार बुवालाई फोन गरी घर फर्किरहेको जानकारी गराएको पाइएको बताए।
दमाईको मृत्युको कारण भने अझै खुलेको छैन। अनुसन्धानमा तालिम प्राप्त कुकुरको समेत प्रयोग गरी अनुसन्धान भइरहेको प्रहरीको भनाइ छ । मृतकको शव परीक्षणका लागि महाकाली अस्पतालमा राखिएको छ।
