धनगढी– धनगढीमा पहिलो पटक आयोजना गरिएको रात्रिकालीन क्रिकेट सिरिजको पहिलो खेलमा शिखर वारियर्स विजय भएको छ ।
धनगढी–१३ मा रहेको जनता मा बि को खेल मैदानमा शनिबार राती टस जितेर पहिले ब्याटिङ रोजेको वारियर्सले निर्धारित १० ओभरमा ४ विकेटको क्षतिमा ८१ रन बनाउन सक्यो । जसमा रोहन भट्ट ले २५ रन बनाउँदा कप्तान मोहित बोहराले उत्कृष्ट ब्याटिङ सहित ३० रन बनाए । लक्ष्य पछ्याउने क्रममा किरन बोहराको घातक बलिङ सामु लायन्स जितको बाटो खोज्न सकेन र ३१ रनले पराजित हुन पुग्यो ।
लायन्सका ओपनर विवेक जोशी पहिलो बलमै गोल्डेन डक आउट भए । केही बेर कप्तान लक्ष्मण भट्टले समाले पनि उनले उत्कृष्ट क्याच समातिए पछि टिम प्रेसरमा आएको थियो ।
सर्वोच्च शिखर युवा क्लबको आयोजनमा जारी प्रतियोगिता अन्तर्गत आइतबार र सोमबार एक–एक खेल हुनेछन् ।
यस क्षेत्रमा रात्रि कालिन क्रिकेटको सम्भाव्यता अध्ययन गर्न र युवाहरूलाई खेल गतिविधिमा सक्रिय गराउन खेल आयोजना गरिएको क्लबका अध्यक्ष अनन्त वोहराले जानकारी दिए । आगामी दिनमा व्यवस्थित गर्दै यसलाई निरन्तरता दिइने उनले बताए ।
साथै खेल हेर्न आएका दर्शकहरू पनि प्रतियोगितामा रमाएका थिए ।
