धनगढी– धनगढीमा पहिलो पटक आयोजना गरिएको प्रथम रात्रिकालीन क्रिकेट सिरिजको उपाधि शिखर वारियर्सले हात पारेको छ ।
धनगढी–१३ मा रहेको जनता मा बि को खेल मैदानमा सोमबार राती एक–एक को बराबरीमा रहेको सिरिज वारियर्सले आफ्नो कब्जामा पारेको हो ।
टस जितेर पहिले ब्याटिङ राजेको वारियर्सले निर्धारित ओभरमा ८५ रन मात्रै बनाउन सक्यो प्रति उत्तरमा ब्याटिङ गरेको लायन्स ले लक्ष्य प्राप्त गर्न सकेन र ९ रनको हार बेहोर्न पुग्यो । सिरिज विजेतालाई नगद तथा ट्रफि प्रदान गरिएको थियो ।
यस क्षेत्रमा रात्रिकालीन क्रिकेट विकास र सम्भावना अध्ययन गर्न यो प्रतियोगिता आयोजना गरिएको आयोजक सर्वोच्च शिखर युवा क्लबका अनन्त वोहरा (गजेन्द्र) ले जानकारी दिए । आगामी दिनमा व्यवस्थित गर्दै यसलाई निरन्तरता दिइने उनले बताए ।
साथै खेल हेर्न आएका दर्शकहरू पनि प्रतियोगितामा रमाएका थिए ।
खेल सञ्चालनका लागि धनगढी उपमहानगरपालिका–१३ का वडा अध्यक्ष विजय जोशीले सहयोग गरेको क्लबका अध्यक्ष वोहराले बताए ।
