धनगढी– भारतको हरियाणाबाट नगद, सुन र चाँदीका गहनाचोरी गरेको आरोपमा बिहीबार तीनजना नेपालीलाई भारतीय एसएसबीले नियन्त्रणमा लिएको छ ।
सीमा सुरक्षा बल (एसएसबी)को टोलीले आधा किलो सुनका गहना, साढे चार किलो चाँदीका गहना र ३५ लाख भारतीय रुपैयाँसहित तीन जनालाई पक्राउ गरेको हो । कैलालीको टिकापुरको सीमा क्षेत्र भारतीय बजार तिकुनियाबाट टीकापुर नगरपालिका-८ कर्मीडाँडाका शंकर साउद र उनकी श्रीमती पार्वती साउद र बर्दिया घर भएका सुनिल चौधरीलाई पक्राउ गरिएको टीकापुरस्थित सशस्त्र प्रहरी स्रोतले जनाएको छ ।
पछिल्लो समय भारतमा काम गर्न गएका नेपालीहरु धमाधम चोरी गरेर नेपाल आउने गरेको प्रहरीले जनाएको छ ।
