धनगढी– नागरिक उन्मुक्ति पार्टीले सहमतिअनुसार मन्त्रालयको भागबन्डा नमिलेको भन्दै सुदूरपश्चिम प्रदेश सरकारमा सहभागी नहुने निर्णय गरेको छ ।
गठबन्धनमा सहमति भए बमोजिम मन्त्रालयको बाँडफाँड नभएसम्म सुदूरपश्चिम प्रदेश सरकारमा सहभागी नहुने पार्टीले जनाएको छ । अध्यक्ष रञ्जिता श्रेष्ठले आजै सुदूरपश्चिम प्रदेश सरकारमा आफ्नो पार्टी सहभागी नहुने जानकारी गराएकी हुन् ।
‘केन्द्रको निर्णय र सहमतिअनुसार सुदूरपश्चिम प्रदेश सरकारमा मन्त्रालयको भागबन्डा नमिलेकोले सहभागी नहुने जानकारी गाउँदछौँ’, अध्यक्ष श्रेष्ठले मुख्यमन्त्रीलाई सम्बोधन गरिएको पत्रमा भनिएको छ ।
