धनगढी–सुनचाँदीको भाउ आज पनि घटेको छ । सुनको भाउ आज तोलामा एक हजार २ सय रुपैयाँ घटेर तोलाको ९४ हजार ३ सय रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ । हिजो तोलामा एक हजार ७ सय रुपैयाँ घटेर ९५ हजार ५ सय रुपैयाँ थियो । नाफा सुरक्षित गर्नको लागि अन्तर्राष्ट्रिय बजारमा सुन बिक्रिमा आएपछि भाउ घट्दै गएको महासंघ अन्तर्गतको भाउ निर्धारण समितिका संयोजक तेजरत्न शाक्यले जानकारी दिनुभयो ।
यस्तै चाँदी आज तोलामा ४० रुपैयाँ घटेको छ । चाँदी आज तोलाको एक हजार १ सय ९० रुपैयाँमा झरेको छ ।
