धनगढी–सरकारले अनुदानको रासायनिक मल किसानलाई उपलब्ध गराउन नसकेपछि साल्टट्रेडिङ्गले विक्रिवितरण गर्दै आएको गैर अनुदानीत मल प्रति सुदूरपश्चिमका किसानको आकर्षण बढ्दै गएको छ । सहज उपलब्ध हुने र उत्पादन पनि राम्रो हुने भएपछि यहाँका किसान अहिले महँगो भए पनि साल्टट्रेडिङ्गले विक्रिवितरण गर्दै आएका सिङ्गल सुपर फस्फेट र एमोनियम सल्फेट प्रयोग गर्न थालेका हुन् ।
हरेक वर्ष अनुदानीत मल नपाएर उत्पादन घटन थालेपछि यो मलको प्रयोग गर्न थालेको र यसले उर्वराशक्ति पनि बढेको कैलालीको भजनी नगरपालिका–९ पचमुडियामा रहेको घोर ताल सहकारी संस्था लिमिटेडका अध्यक्ष मिहिलाल चौधरीले बताए । आफ्नो सहकारीमा आबद्ध रहेका अधिकांश किसानले अहिले यो यो मलको प्रयोग गर्न थालेको र यसले उत्पादन पनि बढेको उनको भनाइ छ । तीन तहकै सरकारले यो मल लाई अनुदान उपलब्ध गराए ठुलो राहत पुग्ने चौधरीको भनाइ छ ।
साल्टट्रेडिङ्ग कर्पोरेसन लिमिटेडको सुदूरपश्चिम प्रदेश कार्यालय धनगढीका नायब महाप्रबन्धक केशव प्रसाद पाण्डेले किसानहरूले सुरुमा यो मलको प्रयोग नगर्ने भएको भए पनि उत्पादन बढ्दै गएपछि यसप्रति आकर्षण बढ्दै गएको बताए । उत्पादन राम्रो हुने भएकाले यो मलको प्रयोग गर्न उनको सुझाव छ । प्रदेश सरकार सँग किसानलाई यो मलमा अनुदान उपलब्ध गराउने विषयमा पनि कुराकानी भएको र यसमा प्रदेशका कृषि मन्त्री पनि सकारात्मक रहेको उनको भनाइ छ । सरकारले अनुदानको रासायनिक मल आपूर्ति गर्न नसक्दा समस्यामा परेका सुदूरपश्चिमका किसानलाई साल्टट्रेडिङ्गले सिङ्गल सुपर फस्फेट र एमोनियम सल्फेट वितरण गर्न थालेपछि ठुलो राहत पुगेको छ । तिन तहकै सरकारले यो रासायनिक मल लाई अनुदान उपलब्ध गराए आफूहरूलाई ठुलो राहत पुग्ने किसान बताउँछन् ।
भिडियो
