डडेलधुरा–डडेलधुरामा एक जना कोरोना सङ्क्रमितको मृत्यु भएको छ। नवदुर्गा गाउँपालिकाका ४८ वर्षीय पुरुषको डडेलधुरा अस्पतालमा उपचारका क्रममा मृत्यु भएको अस्पतालले जनाएको छ । उनी दुई दिनअघि भारतबाट आएका थिए। श्वासप्रश्वासमा समस्या भएपछि अस्पतालमा भर्ना भएका थिए। मृतकका आफन्तका अनुसार उनमा भारतमै छँदा कोरोना पुष्टि भएको थियो । डडेलधुरा अस्पतालको प्रयोगशालामा भएको परीक्षणमा पनि सङ्क्रमण पुष्टि भएको हो। मृतकको शव अहिले डडेलधुरा अस्पतालमै राखिएको छ । नेपाली सेनाले आज शवको दाहसंस्कार गर्नेछ। योसङै सुदूरपश्चिम प्रदेशमा कोरोना सङ्क्रमित मृतकको सङ्ख्या १६ पुगेको छ।
