धनगढी बाट नगद सहित ७ जना जुवाडे पक्राउ

धनगढी–धनगढी बाट नगद सहित ७ जना जुवाडे पक्राउ परेका छन् । धनगढी उपमहानगरपालिका–१३ राजपुर नजिकै रहेको महाकाली फर्निचर उद्योगमा जुवातास खेलिरहेको अवस्थामा ६१ हजार ३ सय ३० रुपैंया नगद सहित ७ जनालाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टले जानकारी दिए । पक्राउ पर्नेमा स्थानीय  दिवाकर पाण्डे,पुष्कर दत्त पन्त,नरेश वोहरा, कृष्णा नन्द गिरि, फिरुराम राना, राम बहादुर साउँद र धिरज साउँद रहेका छन् । उनीहरूलाई जिल्ला प्रहरी कार्यालयको थुनुवा कक्षमा राखिएको छ । त्यहाँ लामो समयदेखि जुवा तास खेल्ने गरेको भन्ने सूचनाका आधारमा गएको प्रहरी टोलीले उनीहरूलाई पक्राउ गरेको हो । उनीहरू विरुद्ध जुवा तास ऐन अन्तर्गत मुद्दा प्रक्रिया अघि बढाइएको प्रहरी नायब उपरीक्षक प्रतीक विष्टले जानकारी दिए ।