धनगढी–धनगढीमा उपचारका क्रममा गए राती मृत्यु भएका कोरोना सङ्क्रमितको आज गोदावरी घाटमा नेपाली सेनाले अनतेष्टि गरेको छ । गोदावरी नगरपालिका–४ का ७३ वर्षीय पुरुषको गए राती करिब साढे १२ बजे उपचारका क्रममा सेती प्रादेशिक अस्पतालमा मृत्यु भएको थियो ।
तेघरीमा रहेको श्री भवानी दल गण बाट सह सेनानी नबल सिंह रोकायको कमान्डमा खटिएको टोलीले सुरक्षाका सबै उपाय अपनाउँदै मृतकका आफन्त र स्थानीयको उपस्थितिमा जलाएर अनतेष्टि गरेको गणका प्रमुख सेनानी विकास केसीले जानकारी दिए ।
उनलाई बुधवार उपचारका लागी सेती प्रादेशिक अस्पताल ल्याइएको थियो । दिउँसो स्वाब सङ्कलन गरियो र राती रिपोट पोजेटिभ आएको थियो । उनमा निमोनिया सम्बन्धी समस्या थियो । यो सँगै सुदूरपश्चिममा कोरोना सङ्क्रमणका कारण मृत्यु हुनेको सङ्ख्या ३३ पुगेको सुदूरपश्चिम स्वास्थ्य निर्देशनालयले जनाएको छ ।
