धनगढी–सुदूरपश्चिम प्रदेशका मुख्यमन्त्री त्रिलोचन भट्टले कोरोना भाइरस सङ्क्रमणको महामारी बाट जोगिन सावधानीका साथ छठ पर्व मनाउन आग्रह गरेका छन् । छठ पर्वका अवसरमा आज एक शुभकामना सन्देश जारी गर्दै मुख्यमन्त्री भट्टले सम्पूर्ण प्रदेशवासीमा सुख,शान्ति,समृद्धि एवं सु–स्वास्थ्यको कामना गरेका छन् । छठ पर्वले प्रदेशवासीमा सामाजिक एवं सांस्कृतिक एकता तथा पारिवारिक सम्बन्ध सुमधुर बनाउनमा सघाउ पु-याउन प्रेरणा प्रदान गरोस् भन्ने पनि कामना मुख्यमन्त्रीले गरेका छन् ।
