धनगढी–सुदूरपश्चिम प्रदेशमा शनिवार थप ४९ जनामा कोरोना सङ्क्रमण पुष्टि भएको छ।
सेती प्रादेशिक अस्पताल, डडेलधुरा अस्पताल, जिल्ला अस्पताल डोटी, बझाङ अस्पताल र अछामको कमल बजार नगरपालिकाको प्रयोगशालामा पछिल्लो २४ घण्टामा ३ सय ७९ जनाको परीक्षण गर्दा थप ४९ जनामा सङ्क्रमण पुष्टि भएको हो ।
सेती प्रादेशिक अस्पताल प्रयोगशालामा २ सय ७३ जनाको नमुना परीक्षण गर्दा ४० जना, डडेलधुरा अस्पतालमा १२ जनाको नमुना परीक्षण गर्दा २ जना, जिल्ला अस्पताल डोटीमा १९ नमुना परीक्षण गर्दा १ जना, जिल्ला अस्पताल बझाङमा १५ नमुना परीक्षण गर्दा २ र कमल बजार नगरपालिकाको प्रयोगशालामा ६० जनाको नमुना गर्दा ४ जनामा सङ्क्रमण पुष्टि भएको छ ।
धनगढी उप–महानगरपालिकाका थप ८ जनामा सङ्क्रमण देखिएको छ। कैलालीको गौरीगंगा नगरपालिकाका १९ जना, गोदावरी नगरपालिकाका ४ जना, यस्तै घोडाघोडी नगरपालिका र कैलारी गाउँपालिकाका १र१ जनामा भाइरसको सङ्क्रमण देखिएको छ।
उता कञ्चनपुरको बेदकोट नगरपालिकाका ५ जना, शुक्लाफाँटा नगरपालिका र भीमदत्त नगरपालिकाका १र१ जनामा पनि सङ्क्रमण पुष्टि भएको छ ।
अछामको कमल बजार प्रयोगशालामा भएको परीक्षणमा जिल्लाको साँफेबगर नगरपालिका, मंगलसेन नगरपालिका, कैलालीको लम्किचुहा नगरपालिका र बैतडीको पुर्चौडी नगरपालिकाका १र१ जना गरी ४ जनामा सङ्क्रमण पुष्टि भएको छ ।
डडेलधुरा अस्पतालमा भएको परीक्षणमा अमरगढी नगरपालिकाका–५ का २ महिलामा कोरोना पुष्टि भएको छ ।
त्यसै गरी बझाङमा भएको परीक्षणमा जय पृथ्वी नगरपालिकाका २ जनामा सङ्क्रमण पुष्टि भएको प्रयोगशालाले जनाएको छ।
यो सँगै सुदूरपश्चिममा कोरोना सङ्क्रमितको सङ्ख्या १२ हजार ८ सय ८ पुगेको छ। प्रदेशभर सङ्क्रमण पुष्टि भएका १० हजार २ सय ४२ जनाले कोरोना
जितेका छन् भने ४६ जनाको मृत्यु भएको सामाजिक विकास मन्त्रालयका प्रवक्ता नरेन्द्र कार्कीले जानकारी दिए।
२४ घण्टामा ७१० जनामा कोरोना पुष्टि, १ हजार १७५ कोरोनामुक्त
स्वास्थ्य तथा जनसंख्या मन्त्रालयका अनुसार २४ घण्टामा थप ७१० जनामा कोरोना संक्रमण पुष्टि भएको छ । यो सँगै नेपालमा हालसम्म २ लाख ५३ हजार १८४ जनामा कोरोना संक्रमण देखिएको छ ।
हालसम्म पीसीआर परीक्षणको संख्या १८ लाख ६६ हजार २१० छ । देशभरी सक्रिय संक्रमितको संख्या ८ हजार ८४० छ । क्वारेन्टाइनमा रहनेको संख्या ४२१ रहेको छ ।
२४ घण्टामा १ हजार १७५ कोरोनामुक्त, १२ को मृत्यु २४ घण्टामा १ हजार १७५ जना कोरोनामुक्त भएको स्वास्थ्य तथा जनसंख्या मन्त्रालयले जनाएको छ । यो सँगै हालसम्म कोरोना संक्रमणबाट मुक्त भइ २ लाख ४२ हजार ५६७ जना घर फर्किसकेका छन् ।
त्यसैगरी २४ घण्टामा १२ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ७७७ पुगेको छ ।
