धनगढी–सुदूरपश्चिम प्रदेशमा आइतबार थप ५४ जनामा कोरोना सङ्क्रमण पुष्टि भएको छ। पछिल्लो २४ घण्टामा प्रदेशका चार वटा प्रयोगशाला मार्फत एक हजार एक सय ४ जनाको परीक्षण गरिएकोमा थप ५४ जनामा सङ्क्रमण पुष्टि भएको सामाजिक विकास मन्त्रालयद्वारा जारी गरिएको तथ्याङ्कमा उल्लेख छ । सेती प्रादेशिक अस्पताल प्रयोगशालामा पछिल्लो २४ घण्टामा ४ सय ६७ जनाको परीक्षण गरिएकोमा ३८ जनामा सङ्क्रमण पुष्टि भएको छ।
आज धनगढी उपमहानगरपालिकाका मात्र ३६ जनामा सङ्क्रमण पुष्टि भएको जानकारी दिए। उपमहानगरपालिकाको वडा नम्बर १ का ६ जना, वडा नम्बर ३ का ३ जना, वडा नम्बर ५ र ६ का २र२ जना, वडा नम्बर २ का १ जना र ठेगाना नखुलेका २ जनामा सङ्क्रमण पुष्टि भएको छ।
गोदावरी नगरपालिकाका ७ जना, कैलारी गाउँपालिका–८ का २ जना, यस्तै बर्दगोरीया गाउँपालिका–२ र घोडाघोडी नगरपालिका–२ का एक एक जना र ठेगाना नखुलेका २ जनामा सङ्क्रमण पुष्टि भएको छ। उता कञ्चनपुरको भीमदत्त नगरपालिका र कृष्णपुर नगरपालिकाका ४÷४ जना, बेल्डाडी गाउँपालिका–४ का २ जना र शुक्लाफाटा नगरपालिका–९ का १ जनामा सङ्क्रमण देखिएको छ ।
उता डडेलधुरा प्रयोगशालामा गरिएको परीक्षणमा थप ८ जनामा सङ्क्रमण पुष्टि भएको छ। डडेलधुरा अस्पताल प्रयोगशालामा पछिल्लो २४ घण्टामा १ सय ६२ जनाको परीक्षण गर्दा ८ जनामा कोरोना पुष्टि भएको छ ।
अमरगढी नगरपालिका–५, नवदुर्गा गाउँपालिका–२, गन्यापधुरा गाउँपालिका–३ र भागेश्वर गाउँपालिका–१ का एक एक गरी ४ जनामा जनामा सङ्क्रमण पुष्टि भएको हो। यस्तै बैतडीको मौलेली गाउँपालिकाका २ जना, शिवनाथ गाउँपालिकाका १ जना र दार्चुलाको दुहुँ गाउँपालिकाका १ जनामा पनि सङ्क्रमण पुष्टि हो ।
यस्तै डोटी जिल्ला अस्पतालको प्रयोगशालामा भएको परीक्षणमा थप ७ जनामा सङ्क्रमण पुष्टि भएको छ। २५५ जनाको कोरोना परीक्षण भएकोमा १७ जनामा सङ्क्रमण पुष्टि भएको अस्पतालले जनाएको छ। दिपायल सिलगढी नगरपालिकाका ५ पुरुष र २ महिला गरी ७ जनामा कोरोना सङ्क्रमण भेटिएको छ । जिल्ला अस्पताल बझाङको प्रयोगशालामा गरिएको परीक्षणमा पनि एक जनामा सङ्क्रमण पुष्टि भएको छ।
यो सँगै सुदूरपश्चिममा सङ्क्रमितको सङ्ख्या ८ हजार ६ सय ४२ पुगेको छ। सङ्क्रमित मध्ये ७ हजार ३ ७९ जनाले कोरोना जितेका छन् । १ हजार २ सय ४४ जना सक्रिय सङ्क्रमित छन् ।
