धनगढी–कोरोना सङ्क्रमणबाट मृत्यु भएकी एक महिलालाई धनगढी उपमहानगरपालिका वडा नम्बर–१ रहेको कब्रिस्तानमा गाडिए पछि स्थानीय विरोधमा उत्रिएका छन् । मानववस्ती सँगै रहेको कब्रिस्तानमा कोरोना सङ्क्रमितलाई गाडेको भन्दै स्थानीयले विरोधमा उत्रिएका हुन । स्थानीयको विरोध पछि त्यहाँ प्रहरी परिचालन गरिएको छ । बिरोधका बाबजुत उनको शब त्यही ब्यवस्थापन गरीएको छ ।
सेती प्रादेशिक अस्पतालको कोभिड अस्थायी अस्पतालमा उपचाररत कोरोना सङ्क्रमित महिलाको मृत्यु भएपछि स्थानीय प्रशासन र सेनाको टोलीले आफन्तलाई शव बुझाएको थियो । शव बुझाएपछि स्थानीय प्रशासन र मृतकका परिवारजनले कब्रिस्तानमा शव गाडेका हुन् । यस अघि सम्म कोरोना सङ्क्रमणबाट मृत्यु भएकाहरूको शव व्यवस्थापन नेपाली सेनाले मानववस्ती भन्दा अलग्गै रहेको स्थानमा गर्दै आएको थियो ।
धनगढी उप–महानगरपालिका वडा नम्बर २ कि ५७ बर्सिया महिलाको बिहीबार बिहान मृत्यु भएको थियो । कडा खालको निमोनिया देखिएपछि असोज १० गते भर्ना भएकी महिलाको बिहान साढे ५ बजे मृत्यु भएको हो ।
