धनगढी–धनगढीमा गरिएको परीक्षणमा आज थप ७० जनामा कोरोना भाइरस सङ्क्रमण पुष्टि भएको छ । पछिल्लो २४ घण्टामा सेती प्रादेशिक अस्पतालमा ४ सय ३२ जनाको परीक्षण गरिएकोमा ७० जनामा सङ्क्रमण पुष्टि भएको अस्पतालका सूचना अधिकारी दिलीप कुमार श्रेष्ठले बताए । आज धनगढी उपमहानगरपालिकाका ४३ जनामा सङ्क्रमण पुष्टि भएको उनले जानकारी दिए। धनगढीको वडा नम्बर ५ का ११ जना, वडा नम्बर १ का ७ जना, वडा नम्बर ७ का ६ जना, वडा नम्बर ३ का ५ जना र वडा नम्बर २, ४ र ८ का ४र४ जनामा सङ्क्रमण पुष्टि भएको छ ।
यस्तै वडा नम्बर ६ र ठेगाना नखुलेका १र१ जनामा समेत कोरोना पुष्टि भएको छ । टीकापुर नगरपालिकाका ११ जना, गौरीगंगा नगरपालिकाका ५ जना, गोदावरी नगरपालिकाका २ जना, जानकी गाउँपालिकाका १ जना र ठेगाना नखुलेका ५ जनामा समेत कोरोना पुष्टि भएको छ ।
कञ्चनपुरको कृष्णपुर नगरपालिकाका २ जना र भीमदत्त नगरपालिकाका १ जनामा कोरोना सङ्क्रमण देखिएको छ ।
