धनगढी–हास्यकलाकार मनोज गजुरेलले कोरोना जितेका छन् । आज बिहान सामाजिक सञ्जाल फेसबुकमा स्ट्याटस लेख्दै उनले कोरोना सङ्क्रमण मुक्त भएको जानकारी गराएका छन् ।
उनले फेसबुक पेजमा लेखेकाका छन्–
धन्यवाद तथा आभार । ११ दिनको अस्पताल बसाई पश्चात् घर फर्किएर आराम गरिरहेको छु । कोभिड १९ का सबै रिपोर्ट नेगेटिभ आएका छन् । केही दिनमा पूर्ण स्वास्थ्य भएर काममा फर्कनेछु । यस क्रममा अत्यन्तै उच्च स्तरको उपचार सेवा प्रदान गर्ने नेपाल एपिएफ अस्पताल परिवार, परिवारका सम्पूर्ण सदस्यहरू तथा सबै शुभचिन्तकहरूलाई अन्तर मनदेखि नै धन्यवाद । सकेसम्म यो महामारीबाट आफू जोगिऔँ । अरूलाई पनि जोगाऔँ ।
दीपावलीको सबैलाई शुभकामना ।
