धनगढी– धनगढीमा गरिएको परीक्षणमा आज थप ३७ जनामा कोरोना सङ्क्रमण पुष्टि भएको छ । सेती प्रादेशिक अस्पताल प्रयोगशालामा २५५ जनाको परीक्षण गर्दा थप ३७ जनामा सङ्क्रमण पुष्टि भएको अस्पतालका सूचना अधिकारी दिलीपकुमार श्रेष्ठले बताए ।
आज धनगढी उपमहानगरपालिकाका २५ जनामा सङ्क्रमण देखिएको छ । धनगढीको वडा नम्बर १ का ७ जना, वडा नम्बर २ र ५ का ४र४ जना, वडा नम्बर ८ का २ जना, त्यसै गरी वडा नम्बर ३, १२, १३, १६ र १७ का १र१ जनामा सङ्क्रमण देखिएको छ ।
यस्तै वडा नखुलेका धनगढीका ३ जनामा समेत कोरोना पुष्टि भएको छ ।
कैलालीकै भजनी नगरपालिकाका ४ जना, गोदावरी नगरपालिका र जानकी गाउँपालिकाका २र२ जना र बर्दगोरिया गाउँपालिकाका १ जनामा समेत कोरोना पुष्टि भएको छ ।
यस्तै कञ्चनपुरको कृष्णपुर नगरपालिका, पुनर्वास नगरपालिकाका र डडेलधुराको परशुराम नगरपालिकाका १र१ जनामा पनि सङ्क्रमण पुष्टि भएको छ ।
