धनगढी– धनगढी स्थित सेती प्रादेशिक अस्पतालको कोरोना अस्थायी अस्पतालमा उपचाररत कोरोना सङ्क्रमित वडा सदस्य लाई आज थप उपचारका लागी हेलिकप्टर मार्फत काठमाडौँ लगिएको छ ।
कोराना सङ्क्रमणबाट गम्भीर अवस्थामा रहेका भिमदत्त नगरपालिका–७ का वडा सदस्य ४५ वर्षीय उत्तम बोहरालाई आज थप उपचारका लागी काठमाडौँ लगिएको हो ।
उनी ११ गते अस्पताल भर्ना भएका थिए । अवस्था गम्भीर भएपछि भेन्टिलेटरमा राखिएका उनलाई आज काठमाडौँ लगिएको हो ।
उनलाई काठमाडौँको टिचिङ अस्पतालमा भर्ना गरिएको आफन्तले बताएका छन् ।
