धनगढी– पूर्व पश्चिम राजमार्ग अन्तर्गत कैलालीको अत्तरियामा टिप्पर र जिप एक आपसमा ठोक्किँदा ४ जना घाइते भएका छन्।
अत्तरिया स्थित सशस्त्र प्रहरी बलको बाहिनी अगाडी बा १४ च ७२७८ नम्बरको कार र से १ क १००२८ नम्बरको टिप्पर एक आपसमा ठोक्किँदा ४ जना घाइते भएको प्रहरीले जनाएको छ ।
पूर्वबाट पश्चिमतर्फ आउँदै गरेको कार र विपरीत दिशाबाट आइरहेको टिप्पर ठोक्किँदा कार चालक काठमाडौँको शंकरापुरका ४१ वर्षीय विद्यमान श्रेष्ठ, काठमाडौँकै लैनचौर बस्ने ३६ वर्षीय विक्रम महर्जन, काभ्रेको बनेपा बस्ने ३२ वर्षीय हरी गोपाल श्रेष्ठ र वीर गन्जका २८ वर्षीय अविरन्द चौरसिया घाइते भएको प्रहरीले जनाएको छ ।
उनीहरू मध्ये चौरसियाको अवस्था गम्भीर छ। घाइतेहरुको अत्तरियास्थित पद्यमा अस्पतालमा उपचार भइरहेको छ।
टिप्पर र चालक दिनेश भण्डारीलाई अत्तरिया प्रहरीले नियन्त्रणमा लिएको छ ।
