काठमाण्डौ – शेयर बजार परिसूचक नेप्से मङ्गलबार २ हजार विन्दुमा पुगेको छ । नेप्से परिसूचक ३ दशमलव ३५ अङ्कले बढेर २ हजार विन्दुमा पुगेको नेपाल स्टक एक्सचेन्ज लिमिटेडले जनाएको छ ।
मङ्गलबार जलविद्युत्, उत्पादन, अन्य, माइक्रोफाइनान्स र जीवन बीमा समूहको उपसूचक बढेको छ । बैंक, व्यापार, होटल, विकास बैंक, फाइनान्स र निर्जीवन बीमा समूहको उपसूचक भने घटेका छ ।
मङ्गलबार दिनभर एक सय ९७ कम्पनीको कारोबार भएकोमा सात अर्ब ४० करोड रुपैयाँ बराबरका एक करोड ८५ लाखभन्दा धेरै कित्ता शेयर किनबेच भएका छन् ।
मङ्गलबार नेपाल रिइन्स्योरेन्स कम्पनी लिमिटेडको सबैभन्दा धेरै ६८ करोड ७९ लाख रुपैयाँ बराबरका शेयर कारोबार भएको छ । यो कम्पनीका शेयर लगानीकर्ताले मङ्गलबार सबैभन्दा धेरै झण्डै १० प्रतिशत कमाएका छन् ।
यस्तै रसुवागढी हाइड्रोपावर कम्पनी लिमिटेड, माथिल्लो तामाकोशी हाइड्रोपावर लिमिटेड, नेपाल दूरसञ्चार कम्पनी लिमिटेड र साञ्जेन जलविद्युत् लिमिटेडका शेयर लगानीकर्ताले पनि नौ प्रतिशतभन्दा धेरै कमाएका छन् ।
मङ्गलबार ग्रीन डेभलपमेन्ट बैंक लिमिटेडका शेयर लगानीकर्ताले भने सबैभन्दा धेरै ७ दशमल ७३ प्रतिशतले गुमाएका छन् ।
