धनगढी–कैलालीको गोदावरीमा गए राती बिहेको गाडी खस्दा १३ जना घाइते भएका छन् ।
बैतडीको दोगडा केदारबाट दुलही ल्याएर कञ्चनपुरको बेलौरी फर्कँदै गरेको सु.प.प्र ०१००१ ज १२५४ नम्बरको विङगर गोदावरीको गाइ मारामा दुर्घटना हुँदा १३ जना घाइते भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक विष्टले बताए ।
घाइते ३ जनाको माया मेट्रो अस्पताल धनगढी र १० जनाको अत्तरियाको पदमा अस्पतालमा उपचार भइरहेको छ ।
घाइते मध्ये ४ जनाको अवस्था गम्भीर छ । ३ वर्षीय बालक प्रदिन चौधरिलाई आइसियुमा राखिएको छ ।
दुलाहा गोविन्द लुहार र दुलही डम्बरा लुहारको अवस्था सामान्य रहेको प्रहरीले जनाएको छ । घटनास्थल गोदावरी बजारबाट १५ किलोमिटर उत्तरमा पर्दछ । विङगर सडकबाट करिब २ सय मिटर तल खसेको प्रहरीले जनाएको छ । प्रहरीले घटना लगत्तै उद्धार गरी घाइते लाई अस्पताल पुर्याएको थियो ।
