धनगढी–सुदूरपश्चिम प्रदेशमा आइतबार थप ९२ जनामा कोरोना सङ्क्रमण पुष्टि भएको छ।
सेती प्रादेशिक अस्पताल, डडेलधुरा अस्पताल, जिल्ला अस्पताल डोटी, जिल्ला अस्पताल बैतडी, जिल्ला अस्पताल बझाङ र कमल बजार नगरपालिकाको प्रयोगशालामा पछिल्लो २४ घण्टामा ४ सय ५५ जनाको परीक्षण गर्दा थप ९२ जनामा सङ्क्रमण पुष्टि भएको सामाजिक विकास मन्त्रालयका प्रवक्ता नरेन्द्र कार्कीले जानकारी दिए।
सेती प्रादेशिक अस्पताल प्रयोगशालामा २ सय ३९ जनाको परीक्षण गर्दा ४८ जना, कमल बजार नगरपालिकाको प्रयोगशालामा ८४ जनाको परीक्षण गर्दा २६ जना र जिल्ला अस्पताल बझाङ प्रयोगशालामा ५६ जनाको परीक्षण गर्दा १० जनामा सङ्क्रमण पुष्टि भएको छ ।
यस्तै जिल्ला अस्पताल बैतडीमा ३९ जनाको परीक्षण गर्दा ६ र डोटी अस्पताल प्रयोगशालामा १५ जनाको परीक्षण गर्दा २ जनामा सङ्क्रमण पुष्टि भएको कार्कीले बताए। डडेलधुरा अस्पताल प्रयोगशालामा परीक्षण गरिएका २२ जनाको परीक्षण गर्दा सबैको रिपोट नेगेटिभ आएको छ ।
कैलालीको घोडाघोडी नगरपालिकाका १० जना, कैलारी गाउँपालिकाका ७ जना, यस्तै मोहन्याल गाउँपालिका, टीकापुर नगरपालिका र गोदावरी नगरपालिकाका २र२ जनामा सङ्क्रमण देखिएको छ ।
यस्तै कञ्चनपुरको भीमदत्त नगरपालिकाका २० जना, कृष्णपुर नगरपालिका र बेलौरी नगरपालिकाका २र२ जनामा समेत कोराना पुष्टि भएको छ।
त्यसै गरी बैतडीको दोगडाकेदार गाउँपालिकाका १ जनामा पनि सङ्क्रमण पुष्टि भएको छ ।
यो सँगै सुदूरपश्चिममा कोरोना सङ्क्रमितको सङ्ख्या ११,७२८ पुगेको छ। ती मध्ये २,०५४ जना सक्रिय सङ्क्रमित छन् । प्रदेशभर सङ्क्रमण पुष्टि भएका ९ हजार ६ सय ३३ जनाले कोरोना जितेका छन् भने ४२ जनाको मृत्यु भएको छ।
