धनगढी–सुदूरपश्चिम प्रदेशमा मंगलबार थप ५९ जनामा कोरोना सङ्क्रमण पुष्टि भएको छ।
सेती प्रादेशिक अस्पताल, डडेलधुरा अस्पताल, जिल्ला अस्पताल बझाङ र कमल बजार नगरपालिकाको प्रयोगशालामा पछिल्लो २४ घण्टामा ४ सय २६ जनाको परीक्षण गर्दा थप ५९ जनामा सङ्क्रमण पुष्टि भएको सामाजिक विकास मन्त्रालयका प्रवक्ता नरेन्द्र कार्कीले जानकारी दिए।
उनका अनुसार सेती प्रादेशिक अस्पताल प्रयोगशालामा २ सय ७९ जनाको नमुना परीक्षण गर्दा ४२ जना, कमल बजार नगरपालिकाको प्रयोगशालामा ५८ जनाको नमुना परीक्षण गर्दा ७ जना, डडेलधुरा अस्पताल प्रयोगशालामा ५२ जनाको नमुना परीक्षण गर्दा २ जना र जिल्ला अस्पताल बैतडीमा ३७ जनाको नमुना परीक्षण गर्दा ८ जनामा सङ्क्रमण पुष्टि भएको छ ।
धनगढी उप–महानगरपालिकाका थप ४ जनामा सङ्क्रमण देखिएको छ ।
कैलालीकै लम्किचुहा नगरपालिकाका ७ जना, गोदावरी नगरपालिका र मोहन्याल गाउँपालिकाका, कैलारी गाउँपालिकाका ३र३ जना, भजनी नगरपालिकाका २ जना, यस्तै टीकापुर नगरपालिका र गौरीगंगा नगरपालिकाका १र१ जनामा कोरोना सङ्क्रमण देखिएको छ।
यस्तै कञ्चनपुरको भीमदत्त नगरपालिकाका १४ जना, दोधारा चाँदनी नगरपालिका, कृष्णपुर नगरपालिका र लाल झाडी गाउँपालिकाका १र१ जनामा समेत कोराना पुष्टि भएको छ।
त्यसै गरी बाजुराको बुढी नन्दा नगरपालिकाका १ जनामा पनि सङ्क्रमण पुष्टि भएको छ ।
यो सँगै सुदूरपश्चिममा कोरोना सङ्क्रमितको सङ्ख्या ११ हजार ८ सय ७५ पुगेको छ। प्रदेशभर सङ्क्रमण पुष्टि भएका ९ हजार ६ सय ६३ जनाले कोरोना जितेका छन् भने ४२ जनाको मृत्यु भएको छ।
