हार्दिक श्रद्धाञ्जली !
अदृश्य, अटेरी
निकृष्ट, निर्दयी
दुरात्माहरु (कोरोना भाइरसहरु)
लडिरहेछन सायद
लडाइअस्तित्वको ।
मच्चाइरहेछन कोलाहल
नाचिरहेछन दानवीय नाँच
हाँसिरहेछन उन्मत्त हाँसो
वायु बिषाक्त पार्दै
उद्यत छन लिन प्राण
निर-अपराध जनको।
कालचक्रमा
आत्मोत्सर्गमा
स्वयमलाइ भुलिसकेको म
भय त्रासलाइ जितिसकेको म
अझै युध्द जित्ने संसयवीच बेचैन म
देख्छु सपना
एक अमृतजलको
पाएदेखि दुइथोपा
सफल हुन्थेँ कि कदाचित
ब्युँताउन उनीलाई।
तर अफसोच
सकिन रोक्न असुरलाइ आज
अथक प्रयास सबै भयोव्यर्थ।
मृत्यु सैय्यामा उनी
भावगङ्गामा तिमी
गरूँ म कसरी बयान
बिकराल परिस्थितिको।
सक्दिनौ कि थेग्न
पीडा बिछोडको।
गल्यो शरीर,
भयो बिलीन आत्मा
गल्यो शरीर,
भयो समाप्त इहलीला उनको।
कृपया स्वीकार
हार्दिक श्रद्धाञ्जली मेरो !
स्वीकार हार्दिक श्रद्धाञ्जली मेरो !!
डा. हेम राज पनेरू
उप-प्राध्यापक एवं इन्टेन्सिभिस्ट (आइसियु फिजिसियन), त्रि. वि. शिक्षण अस्पताल काठमाडौँ
