कञ्चनपुर–नेपाल वन प्राविधिक सङ्घ कञ्चनपुरको भेला सहायक वन अधिकृत दिनेश कुमार यादवको अध्यक्षतामा नयाँ जिल्ला कार्यसमिति चयन गर्दै शनिवार सम्पन्न भएको छ ।
कञ्चनपुर स्थित बाँणी सव डिभिजन वन कार्यालय परिसरमा सम्पन्न भेलाले कुण्डा सव डिभिजन वन कार्यालय कञ्चनपुरका प्रमुख एवं सहायक वन अधिकृत यादवको अध्यक्षतामा नयाँ जिल्ला कार्यसमितिको गठन गरेको हो ।
समितिको उपाध्यक्ष,सचिव,कोषाध्यक्षमा क्रमशः महेश्वरी भट्ट, शिवराज अवस्थी र नवीन सिंह चयन भएका छन् ।
त्यसै गरी सदस्यहरूमा प्रकाश जोशी,करुणा जोशी,दुर्गेश धामी,बाल मुकुन्द भट्ट,जीवन भण्डारी र देवेन्द्र बहादुर चन्द छन् ।
ज्येष्ठ सदस्य गोपालदत्त जोशीको अध्यक्षतामा सम्पन्न भएको भेलामा वन प्राविधिक सङ्घ (नेप्टा) का केन्द्रीय उपाध्यक्ष एवं सुदूरपश्चिम प्रदेशका संयोजक पूर्ण शंकर यादव प्रमुख अतिथि थिए ।
कार्यक्रममा जीवछ यादव, चन्द्र भण्डारी, लोकराज दाहाल,गोविन्द मियाँ अन्सारी लगायतको सहभागिता थियो ।
