झापा – जेठी श्रीमती हुँदाहुँदै दोस्रो विवाह गर्न खोज्ने एक जनालाई प्रहरीले झापाको गौरादहबाट पक्राउ गरेको छ । पक्राउ पर्नेमा सुनसरीकाे इटहरी उपमहानगरपालिका–१९ का साजन चौधरी रहेका इलाका प्रहरी कार्यालय दमकले जनाएको छ ।
गौरादह नगरपालिका–२ झापाकी एक युवतीसँग विवाह गरी अन्माउने बेलामा प्रहरी पुगेको थियो । जेठी श्रीमतीको उजुरीका आधारमा चौधरीलाई हिजाे बिहीवार विवाह मण्डपबाट नै पक्राउ गरेकाे प्रहरीले जनाएको छ । बेहुला पक्राउ परेपछि भने जन्तीको बिचल्ली भएको थियो ।
पक्राउ परेका चौधरीलाई इलाका प्रहरी कार्यालय दमकमा राखेर थप अनुसन्धान गरिरहेको प्रहरी नायब उपरीक्षक (डीएसपी) मनोजकुमार लामाले बताउनुभयो ।