कञ्चनपुर – कञ्चनपुरको भीमदत्त नगरपालिका ७ हल्दुखालबाट बलात्कार गरेको आरोपमा प्रहरीले एक जनालाई पक्राउ गरेको छ ।
स्थानीय ४६ वर्षीय हरकसिंह महरालाई सोमबार साँझ पक्राउ गरिएको प्रहरीले जनाएको छ ।
मेडिकल सञ्चालक महराले आफ्नै मेडिकलमा उपचारका लागि आएकी स्थानीय महिलामाथि जबर्जस्ती करणी गरेको प्रहरीको अनुसन्धानमा खुलेको छ ।
पीडित महिलाले नै जिल्ला प्रहरीमा जबर्जस्ती करणीसँगै कुटपिट गरेको भन्दै जाहेरी दिएको जिल्ला प्रहरी कार्यालयका डीएसपी प्रकाश डाँगीले बताए ।
