धनगढी– भरुवा बन्दुक र गोली सहित सहित कैलालीमा प्रहरीले एकजनालाइ पक्राउ गरेको छ । कैलारी गाउँपालिका ६ खरुवाखेरका ५२ वर्षीय नारायण प्रसाद चौधरीलाई शनिवार साँझ भरुवा बन्दुक सहित पक्राउ गरिएको जिल्ला प्रहरी कार्यालय कैलालीले जनाएको छ ।
चौधरीको घरमा भरुवा बन्दुक रहेको सूचना पाएपछि प्रहरी नायव निरीक्षक राजेन्द्र सिंह कार्कीको नेतृत्वमा गएको प्रहरी टोलीले चौधरीको खानतलासी गर्दा भरुवा बन्दुक र गोली सहित पक्राउ गरेको थियो ।
उनको घरबाट एक थान एक नाले अवैध भरुवा बन्दुक, बारुद ४ डिब्बा, तयारी गोली ३८ पिस सानो, २८ पिस ठुलो, सिसाको टुक्रा नौ पिस, समेत बरामद गरेको प्रहरी नायव उपरीक्षक कुलदिप चन्दले जानकारी दिए ।
