धनगढी– ४ थान भरुवा बन्दुक सहित कैलालीको गौरीगङ्गा नगर पालिकाबाट १ जनालाई प्रहरीले पक्राउ गरेको छ । गौरीगगां –६ दैद्वारी शिविर बस्ने २० वर्षीय सागर चौधरी लाई पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरिक्षक कुल दीप चन्दले बताए । स्थानीय प्रदेशु चौधरीको घरमा अवैध घरेलु हतियार भरुवा बन्दुक लुकाई छिपाई राखिएको छ भन्ने विशेष सूचनाको आधारमा खानतलासी गर्दा माटाको धान राख्ने भकारी भित्र लुकाई छिपाई राखिएको अवस्थामा एकनाले भरुवा बन्दुक ४ थान फेला परेको हो । बन्दुक सँगै त्यसमा प्रयोग हुने कच्चा पदार्थ सुरा ३ सय ग्राम र गन्धक १३० ग्राम बरामद गरिएको प्रहरी नायब उपरिक्षक चन्दले जानकारी दिए । पक्राउ परेका सागर प्रदेशुका छोरा हुन । घटना बारे थप अनुसन्धान भइरहेको प्रहरीले जनाएको छ ।
