पोखरा –अविरल वर्षाका कारण आएको पहिरोमा परी कास्कीमा एकै घरका छोरी/ज्वाइँसहित ७ जनाको मृत्यु भएको छ ।
पोखरा- १९ पुरुन्चौर तल्लोकोटका कुलबहादुर परिवार, उहाँका छोरी/ज्वाइँसहित पहिरोमा परी मृत्यु भएको जिल्ला प्रहरी कार्यालय कास्कीका सूचना अधिकारी वसन्तकुमार शर्माले जानकारी दिनुभयो ।
उहाँका अनुसार कास्कीका ३ ठाउँमा गएराति पहिरोमा परी ८ जनाको मृत्यु भएको छ भने २ जना बेपत्ता भएका छन् ।
नेपाल प्रहरीसहित सुरक्षा निकाय तथा स्थानीयको सहयोगमा खोजी तथा उद्धार कार्य भई रहेकाले घटनाको थप जानकारी केही समय पश्चात् आउने प्रहरीले जनाएको छ ।
