डोटी — डोटीमा सहोदर भाइले कोदालो प्रहार गरी दाजुको हत्या गरेका छन् । जोरायल गाउँपालिका–६ डाँडागाउँ बस्ने ५५ वर्षीय नरबहादुर जोराले आफ्नै दाजु गणेश बहादुर जोराको हत्या गरेको डीएसपी भिमलाल भट्टराइले जानकारी दिए। डीएसपी भट्टराइका अनुसार सोमबार नै प्रहरीले नरबहादुरलाई नियन्त्रणमा लिइसकेको छ । सोमबार दिउँसो ३ बजेको समयमा नरबहादुरले दाजु गणेशबहादुरको टाउकोमा कोदालो प्रहार गरेका थिए ।
घरायसी विवादपछि झगडा हुँदा भाइले कोदालो प्रहार गरेको र दाजुको घटनास्थलमै मृत्यु भएको पाइएको डीएसपी भट्टराईले बताए ।
प्रहरीले थप अनुसन्धान भइरहेको जनाएको छ ।
