धनगढी–सबै तिर भिडभाड र मानिसहरूको चहल पहल बढेपछि सुदुरपश्च्मि प्रदेशमा कोरोना भाइरस सङ्क्रमण वढदै गएको छ । सुदूरपश्चिम प्रदेशका विभिन्न जिल्लमा शुक्रवार ९७ जनामा कोरोना भाइरस सङ्क्रमण पुष्टि भएको छ । पछिल्लो २४ घण्टामा प्रदेशका विभिन्न प्रयोग शालामा चार सय ५० जनाको परीक्षण भएकोमा ९७ जनामा सङ्क्रमण पुष्टि भएको प्रदेश स्वास्थ्य निर्देशनालयले जनाएको छ ।
सेती प्रादेशिक अस्पतालको प्रयोगशालामा भएको परीक्षणमा थप ६८ जनामा कोरोना सङ्क्रमण पुष्टि भएको छ । पछिल्लो २४ घण्टामा दुई सय ९८ जनाको कोरोना परीक्षण गरिएकोमा ६८ जनामा सङ्क्रमण पुष्टि भएको हो । जिल्ला अस्पताल डोटीको प्रयोगशालामा भएको परीक्षणमा सुदूरपश्चिम प्रदेशका थप २८ जनामा कोरोना सङ्क्रमण पुष्टि भएको छ । यस्तै जिल्ला अस्पताल बैतडीको प्रयोगशालामा भएको परीक्षणमा थप एक जनामा कोरोना पुष्टि भएको छ । चार जनाको परीक्षण भएकोमा एक जनामा सङ्क्रमण पुष्टि भएको हो ।
आज थपिएका सङ्क्रमित मध्ये कैलालीका ५४, कञ्चनपुरका १३ र अछामका एक जनामा छन् । धनगढी उप–महानगर पालिकाका मात्रै ३७ जनामा कोरोना पुष्टि भएको छ।
धनगढीको वडा नम्बर १ का ११ जना, वडा नम्बर २ का ६ जना, वडा नम्बर ३ का चार जना र वडा नम्बर ४ का तीन जनामा सङ्क्रमण भएको हो । यस्तै वडा नम्बर ५ का एक जना, वडा नम्बर ६ का तीन जना, वडा नम्बर ७ का एक जना, वडा नम्बर ८ का पाँच जना र वडा नखुलेका तीन जनामा सङ्क्रमण पुष्टि भएको हो । धनगढीमा कुल सङ्क्रमितको सङ्ख्या पाँच सय ७२ पुगेको छ ।
उता गोदावरी नगरपालिकाका ६ जना, भजनी नगरपालिका वडा नम्बर ४ का चार जना, बर्दगोरीयाका ५ जना र घोडाघोडीका दुई जनामा सङ्क्रमण पुष्टि भएको छ । कञ्चनपुरको महाकाली नगरपालिकाका दुई जना, भीमदत्त नगरपालिकाका तीन जना, शुक्लाफाँटाका एक जना, बेलौरीका चार जना, बेल डाँडीका तीन जना, मंगलसेन अछामका एक जनामा सङ्क्रमण पुष्टि भएको छ । डोटीका १५ र अछामका १३ जनामा सङ्क्रमण पुष्टि भएको छ । डोटीको सायल गाउँपालिका र अछामको मंगलसेन नगरपालिकाका २८ जनामा सङ्क्रमण पुष्टि भएको हो । पछिल्लो २४ घण्टामा डोटी जिल्ला अस्पतालको प्रयोगशालामा एक सय एक सय २५ जनाको कोरोना परीक्षण गरिएको थियो । आज ९७ जनामा सङ्क्रमण पुष्टि भएसङै प्रदेशमा सङ्क्रमितको सङ्ख्या सात हजार दुई सय नाघेको छ। सङ्क्रमण पुष्टि भएका पाँच हजार नौँ सय सङ्क्रमण मुक्त भएका छन् भने १९ जनाको मृत्यु भएको छ।
