धनगढी–धनगढीको बोराडाडीमा गए राती रोकिएको मिनी ट्रकमा मोटरसाइकल ठोकिदा धनगढीमा एक जनाको मृत्यु भएको छ । राती करिब साढे ११ बजे दुर्घटना भएको जिल्ला प्रहरी कार्यालय कैलालीका प्रहरी निरीक्षक दान बहादुर रोकायाले बताए । अन्दाजी २०–२२ वर्षका मृतकको अहिले सम्म नाम ठेगाना खुलेको छैन । से १ प ८७६१ को नम्बरको मोटरसाइकलमा सवार युवक रोकिराखेको से १ त ६१७ नम्बरको मिनी ट्रकमा ठोक्किएका हुन । मृतकको शव सेती प्रादेशिक अस्पतालमा राखिएको छ ।
