कञ्चनपुर–भारतमा बस दुर्घटना हुँदा कञ्चनपुरका एक दम्पतीको मृत्यु भएको छ। दुर्घटनामा भीमदत्त नगरपालिका वडा नम्बर ११ का ४५ वर्षीय मोहनबहादुर गुरुङ र उनकी श्रीमती कलावतीको मृत्यु भएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाले बताए। उनका १७ वर्षीय छोरा आनन्द गुरुङ घाइते भएका छन् । पिलिभितबाट स्वदेश फर्किने क्रममा बोलेरो जिपसँग बस ठोक्किँदा उक्त दुर्घटना भएको कञ्चनपुर प्रहरीले जनाएको छ । मृतकको शब शनिवार कञ्चनपुर ल्याइएको छ।
