दाङ — दाङमा ट्रकले ठक्कर दिँदा गएराती मोटरसाइकलमा सवार तीन जनाको मृत्यु भएको छ । पूर्व–पश्चिम राजमार्गअन्तर्गत राप्ती गाउँपालिका–४ मौरीघाटमा मंगलबार राती पश्चिमबाट पूर्वतर्फ जाँदै गरेको ना६ख ३३४४ नम्बरको ट्रकले विपरीत दिशाबाट आइरहेको रा५प ६७४४ नम्बरको मोटरसाइकललाई ठक्कर दिएको हो ।
मृत्यु हुनेमा राप्ती गाउँपालिका–५ का १६ वर्षीय मनोज गाहामगर, राप्ती–२ लालमझियाका १८ वर्षीय कसम पुनमगर र राप्ती–८ पिपरीका १८ वर्षीय दिनेश घर्तीमगर रहेको जिल्ला प्रहरी कार्यालयका प्रवक्ता डीएसपी सुमित खड्काले बताए । ट्रक पनि अनियन्त्रित भएर खोल्सामा पल्टिएको उनले जानकारी दिए । घटनाबारे थप अनुसन्धान भइरहेको खड्काले बताए ।
