धनगढी–सुदूरपश्चिम प्रदेशका मुख्यमन्त्री त्रिलोचन भट्टले कोरोना भाइरसको सङ्क्रमण बाट बच्न स्वास्थ्य सम्बन्धी मापदण्ड अपनाई पर्याप्त सावधानीका साथ दीपावली मनाउन प्रदेश बासिलाई आग्रह गरेका छन् । दीपावलीका अवसरमा आज एक शुभकामना सन्देश जारी गर्दै मुख्यमन्त्री भट्टले चाडबाडका बेला कोभिड जस्तो महामारीबाट सचेत रहन आ–आफ्नो घरमा मात्रै दीपावली मनाउन आग्रह गरेका हुन । साथै उनले आपसी सद्भाव र भातृत्वको प्रतिकका रूपमा रहेको यस पर्वले प्रदेशवासीहरूलाई एक आपसमा खुसीयाली साटासाट गर्दै एकताको सूत्रमा आबद्ध गरी सामाजिक एकता कायम गर्न सघाउ पुगोस् भन्ने शुभकामना व्यक्त समेत गरेका छन् ।
