धनगढी–धनगढीमा शनिवार बृहत् रक्तदान कार्यक्रम गरिएको छ ।
धनगढी उप–महानगरपालिका वडा नं. १३ को कार्यालय र विपद् व्यवस्थापनका निम्ति रेडक्रस अगुवा कार्यकर्ताको आयोजनामा रक्तदान कार्यक्रम गरिएको हो । सो अवसरमा ५२ जनाले रक्तदान गरेका थिए ।
कोभिड महामारीका बिच देखिएको रगत अभाव कम गर्न कार्यक्रम गरिएको वडा अध्यक्ष विजयराज जोशीले बताए ।
आगामी दिनमा पनि यसलाई निरन्तरता दिइने जोशीले बताए ।
पछिल्लो समय वडा नम्बर १३ को कार्यालयले विकास निर्माणका अलावा परोपकारी काम पनि गर्दै आएकोमा वडा बासिले खुसी व्यक्त गरेका छन् ।
