धनगढी–आर्थिक मामिला मन्त्री सहित एमालेका मन्त्रीहरूले राजीनामा दिएर सरकार लाइ दिएको समर्थन फिर्ता लिएपछि सुदूरपश्चिम प्रदेश सरकारको आगामी आर्थिक वर्षको बजेट अलपत्र परेको छ ।
दीर्घ सोडारी नेतृत्वको सरकारले असार १ गते ल्याएको बजेट पारित नहुँदै बिहीबार आर्थिक मामिला मन्त्री सुरेन्द्र वहादुर पाल सहित एमालेका तीन जना मन्त्रीहरूले राजीनामा दिएपछि आगामी आर्थिक वर्षको बजेट अलपत्र परेको हो । आर्थिक मामिला मन्त्री पालले सरकार अल्पमतमा परिसकेकोले बजेट पारित हुन नसक्ने भन्दै अब अध्यादेश मार्फत नयाँ बजेट ल्याइने बताउनुभयो । यस अघि रातो किताब नआउँदै बजेटको ई–कपी सार्वजनिक भएको विषयमा छानबिन समिति गठन गरी त्यसमा संलग्न लाइ कारबाही गरिनुपर्ने उहाँको भनाइ छ । प्रमुख प्रतीपक्षी नेपाली कांग्रेश पनि कुनै पनि हालतमा वजेट पास गर्न नहुने अडानमा छ । पूर्वमन्त्री तथा प्रदेशसभा सदस्य प्रकाश देउवाले सरकार अल्पमतमा परिसकेकाले वजेट पास गर्न नमिल्ने बताउनुभयो । नैतिकताका आधारमा मुख्यमन्त्रीले राजीनामा दिएर मार्ग प्रशस्त गर्नुपर्ने उहाँको भनाइ छ ।
एमालेले समर्थन फिर्ता लिएपछि अल्पमतमा परेको सरकार पनि बजेट कसरी पारित गर्ने भन्नै अन्योलमा छ । असार ३१ गते भित्र बजेट पारित नगरे प्रदेशमा संवैधानिक र आर्थिक सङ्कट आउने भन्दै के गर्ने भन्ने विषयमा सरकार परामर्श गरिरहेको जलस्रोत तथा शहरी विकाश मन्त्री अक्कल वहादुर रावलले बताउनुभयो ।
सुदूरपश्चिम प्रदेश सरकारले आगामी आर्थिक वर्षका लागी ३१ अर्ब ६२ करोड ९८ लाखको बजेट सार्वजनिक गरेको छ । तर बजेट पारित नभएमा सङ्कट आउने छ । प्रमुख प्रतिपक्षी कांग्रेशले पनि अध्यादेश मार्फत बजेट ल्याइनुपर्ने बताउँदै आएको छ । तर समाजवादी र माओवादीले तत्काल सरकार नछोड्ने बताएकाले साउन १ गते देखि समस्या उत्पन्न हुने तर्फ मन्त्रालयका कर्मचारी पनि परामर्शमा जुटेका छन् ।
संकट टार्ने बाटो खोज्दै सरकार
