धनगढी– कैलालीमा आज थप २४ जनामा कोरोना सङ्क्रमण पुष्टि भएको छ। सेती प्रादेशिक अस्पताल प्रयोगशालामा गरिएको परीक्षणमा धनगढीका १७ सहित २४ जनामा कोरोना पुष्टि भएको अस्पतालका सूचना अधिकारी दिलीपकुमार श्रेष्ठले बताए । पछिल्लो २४ घण्टामा तीन सय ४९ जनाको परीक्षण गर्दा २४ जनामा सङ्क्रमण पुष्टि भएको उनले बताए ।
सङ्क्रमित मध्ये धनगढी उपमहानगरपालिका वडा नम्बर– ११ का ४ महिला र ६ पुरुष गरी १० जना, वडा नम्बर– २ का चार पुरुष र वडा नम्बर १२ का एक महिला र दुई पुरुष गरी तीन जना छन्।
यस्तै लम्की चुहा नगरपालिकाका दुई महिला र दुई पुरुष गरी ४ जना, जानकी गाउँपालिकाका २ जना र गोदावरी नगरपालिकाका एक जनामा कोरोना पुष्टि भएको छ ।
